Doe höbs ‘t - Zittesje Vastelaovesmeziek

Ga naar de inhoud
DOE HÖBS ‘T

Teks: Maurice Indemans, Meziek: Thei Bormans
Jaortal: 2013
Zangk: Effe Angesj


Es sjnaak of mechelke wurste gebaore
Dat is dan ouch neit te verklaore
’t gevuil dat bie dich van bènne zit
Dat krigste van de pap en mam al mit

Refrein:
Doe höbs ’t neit of doe höbs ’t waal
Dat is veur ós toch sjiet egaal
Zolang ós vastelaoveshertje sjleit
Zèng en sjprènge veer van gekkigheid
Doe höbs ’t neit of doe höbs ’t waal
Dat gevuil is zo sjpissjaal
Dao wurste mit gebaore
Jao, dat zit al in dien aore. 2x

En sjprèng veer weijer oet de bandj
Sjmiet veer alles aan de kantj
Oet de bol gaon is geweun
Veer sjprènge oppe gekste teun
’t kriebelt dan ouch euveral
En verkoupe väöl sjaele kal
’t broesj ós dan van bènne
Dat gevuil zult geer waal kènne.

En zeen die daag alweier veurbie
Geit ’t ós toch aan de prie
Mer ’t is ‘n groot gelök
Dae sjone tied kump toch weijer trök
En neemes nump ós dat mee aaf
Went veer zeen dao zó aan versjlaaf
Dat is neit te besjrieve
Dit gevuil zal ummer blieve

Brök:
Dus zènge veer alleneij
En maake väöl beheij
 
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
Terug naar de inhoud