De Trööt - Zittesje Vastelaovesmeziek

Ga naar de inhoud
DE TRÖÖT

Teks: Ad Pfennings; Meziek: Giel Laumen
Jaortal: 1953
Zangk: div.
LP: Zittesje leidjes raege (1982); gesjpeeld door de Marotte-kapel
CD: De Marottesirk trek wiejer (1994); zangk: Wil Frenken mit de Marottekapel
CD: Grenzeloos Grandijoos (2003); zangk: Marotte CD Koor
CD: Grenzeloos Grandijoos (2003), Latino-versie, arr. Gian Prince; zangk: Marotte CD Koor
CD: Doe höbs de kop los; zangk: koor mit de Marottekapel


Wurd 't Vastelaovend, kump alweier de schtömming in de tent.
Went mit Vastelaovend is ouch oos kapel zo fien present.
Gilliam mit zie tröötje blees en alles geef 'm dan ein lel.
Daorom zèng mer, daorom sjprèng mer mit oos gouw kapel.

Refrein:
Trööt veer op die trööt trööt trööt.
Trööt trööt trööt, op die trööt trööt trööt.
Trööt veer waal èns vööl te hel,
dat deit die trööt van de Marottekapel.

Is 't schoon of schlech waer, hoempa hoempa deit dan oos kapel.
En daen dikke Lambèr huit dan mit de klöppel op dat vel.
Chrit es Patscheninie sjuuf mit zien tròmbòn mer op en neier.
Laeve make, eine krake, dat is hun plezeier.

Laot eur leidjes schalle, ummer brink dat laeve in de boet.
Dat kan òs bevalle, auwt of jònk, me trèk mit uch drop oet.
Laot eur trööte trööte, hoempa, hoempa, ummer, ummer meer.
Zitterd zèng noe, Zitterd schprèng noe, oos kapel tot eer.
 
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
Terug naar de inhoud