De druim van Joozef Puime - Zittesje Vastelaovesmeziek

Ga naar de inhoud
DEN DRUIM VAN JOOZEF PUIME

Teks & Meziek: Harie Peters
Zangk: div.
LP: Zitterd Allein (1981); zangk: Gojo


In Zitterd in 't Zuije, sjtông lès in de gezèt,
den druim van Joozef Puime, dae geer nog allenej wèt.
Wie in dae sinterklaosnach, geheim vergaadering waar,
en sjus om twellef oere versjeen daen aardige baas.
Dao woort opèns geklop op 't raodhoes aan de deur,
en Maesjmans trok zien bôks op en sjprong versjrik derveur.
Den Heiligeman koum bènne, en zag mit gouwe zin:
geer zult mich toch waal kènne, geer mòt de zak mer in.
En Pitter sjnapde Haas en Gulikkers, Haarie Rutte mit de
Kruijer en de Waever, mit ziene klaever.
En doe koum Westendorp. de Keizer, Meuleberg en
Nieste Jan en Sander Bösse, dae kroop dertösje.
Mer doe misde hae Delònj, teen menuute eer 'r 'm vònj.
En ongertösje sjprong 'm Jesse in de kas.
Mer de heere van de pers sjnapden 'm vas en jougen 'm droet.
En de rès die sjprong van angs de vinster oet.
 
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
Terug naar de inhoud