Dat kènt allein in Zitterd - Zittesje Vastelaovesmeziek

Ga naar de inhoud
DAT KÈNT ALLEIN IN ZITTERD
Vastelaovessezoen 1998, nömmer 2

Teks & Meziek: Phil Schaeken
Jaortal: 1998
Zangk: Cyrille Niël
CD: Door 't dölle haer (1998)


Jeder jaor bie òs in Zitterd, truf zich auwt en jònk opnuu.
Drie daag sjtaon d'r aan te kòmme, mit 't fees veur alle luu.
Jeder wirk aan zien ideeke, toes of in de optochhal.
En dao in dat klein kafeeke, heurt me weier sjaele kal.

Refrein:
Heel vööl sjaele kal, vrieje oppe wal,
och, dat kènt allein in Zitterd.
Jeder jaor opnuu, sjoonste optoch luu,
zuut me hie bie òs in Zitterd.
Zefke Mols en Toon, leidjes toch zo sjoon,
heure bie òs goud awt Zitterd.
Vastelaovestied, wille veeir neit kwiet,
't is de sjoonste tied van Zitterd.

Zitterd mit zien auw gebroeke, nònnevot en hermenie,
Grote kirk en de Marotte, zelfs ein heel sjoon sjötterie.
Feeste zal 't ummer gaeve, zònger feeste geit 't neit.
Sjtedje van 't gouwe laeve, wae hie woont dae wit besjeit.
 
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
Terug naar de inhoud