Dae sjoone vastelaovessjpas - Zittesje Vastelaovesmeziek

Ga naar de inhoud
DAE SJOONE VASTELAOVESSJPAS

Teks & Meziek: Sjef Weijman
Jaortal: 2004
Zangk: Jan van Daal
CD: Dao höbste häöm dao (2005)


Refrein:
D'r is mer ein deil waat ich nooit zou wille misse,
Dat weit ich zeker alle twiefel van de baan.
Ich houf neit nao te dènke waat ich zou besjlisse,
De Vastelaovend, jao dao kump mich nemes aan.
't Maak niks oet wo ich dan oet zou motte keize,
't Maak niks oet want mien besjlissing sjteit al vas,
en es 't mot dan laot mich alles mer verleize,
mer zeker neit dae sjone Vastelaovessjpas.

Es de pappegey oet vlug, dan kump dae sjone tied
Heur ich weier de trumkes, ben ich alle zörg kwiet
Sjnap mich vlot d'n daomino, ei naeske oppe sjnoet,
Niks hiltj mich mee taege want dan mót ich d'r op oet,
Jao d'r oet, dan mót ich d'r op oet.

Touver mer get kleure mit get sjmink op mien gezich
Pekske aan ei pruukske op, die daag zeen weier in zich
Heur van wiet de trööte al, 't broesj mich in 't bloud
Sjittert dan 't rood gael gruin, dan weit ich 't kump goud
't kump goud, dan weit ich 't kump goud.
 
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
Terug naar de inhoud