Carneval doe Carneval - Zittesje Vastelaovesmeziek

Ga naar de inhoud
CARNEVAL DOE CARNEVAL

Teks & Meziek: Jean Derrez
Jaortal: 1947
Zangk: diverse
CD: 111 jaor Marotte Zitterd (1993); zangk: Guus Steinen & Francine Köhnen
CD: Höbs doe ouch zo'ne zin? (2013); zangk: Paul-Jean Jessen


Dao is ei plaetsjke in oos landj, zoo löstig en zoo bliej,
daoaan höb ich mien hart verpandj, mit al zien laammaekerie.
Me hiltj dao zoo van lol en sjpas, door alle tieje haer.
Veer zeen van 't echte Zittesj ras, daoròm viere veer zoo gaer.

Refrein:
Carneval doe Carneval, ich sjpich mich zoo op dich.
Dich kèn ich toch neit misse, want doe bès ein sjtök van mich.
Carneval doe Carneval, ich sjpich mich zoo op dich.
Dich kèn ich toch neit misse, want doe bès ein sjtök van mich.

Mit vastelaovend zeen de daag van kisj, van sjpas en lol.
Es me de waorheid zègke maag is 't plezeier pas vol.
Mer dit jaor in 't bezunjer, wurt ei sjöpke drop gedaon,
omdat oos gouw Marotte noe zösmaol èllef jaor besjtaon.

Veer viere dit jaor wie 't heurt, einen echte carneval.
Zoo wie dat vruiger is gebeurt, mit zittinge en bal.
De bein gesjmeerd en dan dropoet, verkleid, 't is nooit te bòntj.
Mit vèrkesblaoze of ein toet, klink door Zitterd in ’t ròndj.
 
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
Terug naar de inhoud