Alle remme los - Zittesje Vastelaovesmeziek

Ga naar de inhoud
ALLE REMME LOS !!!
Vastelaovessezoen 1995, nömmer 2

Teks en Meziek: Thei Wessels
Jaortal: 1995
Zangk: Jan van Daal
CD: Hie brent de lamp (1995)


Refrein:
Veer sjmiete alle remme los, al kos 't drie daag waat 't kos.
Mit Vastelaovend gaon veer door de boch, ein bietje danse en doe bès verkoch.
Veer sjmiete alle remme los, al kos 't drie daag waat 't kos.
Dan gaon veer mit de ganse zooi, tesaame oppe bònnefooi.

Veer kieke tillevieze; d'n doezendguijekwis, die hauwe veer èns gaer.
De allersjoonste prieze die höbbe veer gemis, woo mòt dat mit òs haer ?
Mer dao kump eine aovend, dan misse veer dat niet, dan geit 't knupke òm.
Dat is mit vastelaovend, dan witste wie 't geit, noe wach neit mee en kòm ...

Dae soopverhaole ròmmel, wae hiltj dat oeterein ? Dae zètte veer opzie !
Dao is niks oppe klòmmel, dat juubelt jederein, waat zeen veer weier blie.
Veer jatse door de gatse, vanoavend is 't raak, d'n aovend van de lach !
De allergekste fratse, die waere noe gemaak, veer gaon d'r veur vannach !
 
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
Terug naar de inhoud